Transcription
1
Monsieur, je receux hyer la votre de Voyron du mesme jour neufvieme, par
2
laquelle j’ay veu que monsieur le president Bellièvre vous met en espoyr
3
que les affayres de Nismes et lieux voysins se conduyront plus
4
doulcement qu’on ne fesoyt courir le bruit. Ce matin environ unze
5
heures, j’ay receu par les meyns du chevaucheur celle que je vous envoye
6
du segneur Ludovic, laquelle j’ay ouvert, suyvant ce quil vous a
7
pleu me commander, et plus me doubtant de quelque advis qu’on remua
8
aux montagnes, pource que monsieur le procureur general nous avoyt monstré
9
une letre de monsieur Gentil une heure auparadvant, que hyer maîtres
10
Fustier et Rossignol, estans à Saynct-Martin veirent passer quinze
11
chevaux de marque prenantz le chemin, par notre valée, de Domène,
12Versol [barré : ted ] et tendant à Savoye, et que certeyn hoste avoyt [barré : dellibe ]
13declaré qu’ilz [barré : avo ] estoient suyvis par aultres, nous avons enjoynt
14
à maître Baro d’informer promptement de leur chemin, et mandé
15
au vibalif de Gap d’informer et advertir si aulcungs de
16
son baliage se sont absentés. Vous verrés, Monsieur, que ce n’est
17
rien de tout cela et qu’il s’agist de pourvoyr à la conduyte
18
des compagnies cassées du baron des Adrestz ; et pource que j’ay
19
estimé cela importer au solagement de ceste province, j’ay prié
20
le chevaucheur fère courir exprès ce paquet, afin que messieurs
21
des estatz entendent sur ce votre intention. Au surplus, Monsieur,
22
il ne s’est presenté chose qui altère tant peu le repos où
23
vous nous avés laissé. Si l’on continue tout ira bien. Je prieray à
24
Dieu qu’ainsy soyt, et de vous doner,
25
Monsieur, en santé, heureuse et longue vie, sa grace. De Grenoble,
26
ce Xe d’octobre 1572.
27
Vostre humble serviteur
28
G. Deportes
29
J’oubliay de vous dire à votre departir que, comme
30
m’a escript monsieur de Ferrin de Brianson, Sanson,
31
gardiateur de la prevosté d’Ours dont le different estoit
32
accommodé par accord faict avec messieurs de Birago,
33
avoyt tué Vimercat, son principal et que par ce
34
moyen la pension reservée estoyt bien egarée ou perdue.
35
Escrivant ce dernier mot, j’ay receu ung paquet de monsieur
36
de Montoyson à vous adressé, que trouverés aussi dans ce depeche.
37